अहमदनगर मधील मुस्लिम समाजातील मुलगी ” या ” खेळात करते भारतीय संघाचे प्रतिनिधित्व.

देशांमध्ये पुरुषांच्या खांद्याला खांदा लावून प्रत्येक क्षेत्रामध्ये स्त्रिया भरारी घेत आहेत. क्षेत्र कुठल ही असो, क्रीडा या क्षेत्रात देखील आता मुली मागे राहिल्या नाहीत.मुली देशाबाहेर जाऊन देशासाठी गोल्ड मेडल मिळवतात,अनेक वेगवेगळ्या स्पर्धा मध्ये भाग घेऊन आपल नावलौकिक मिळवतात,

अतिदुर्गम तालुका म्हणून ओळखला जाणारा अकोला हा तालुका इथली कन्या फिझा फत्तुभाई सय्यद ही भारतीय संघात सॉफ्टबॉल या खेळात कौतुकास्पद कामगिरी करत आहे , सॉफ्टबॉल हे या खेळाचे नाव असले तर या खेळामधील बॉल हा मऊ नसतो तर तो बेसबॉलच्या बॉल पेक्षा कठीण असतो. सॉफ्टबॉल मोठ्या मैदानावर २ संघांदरम्यान खेळला जातो, एकाच वेळी मैदानात एका संघाचे ९ किंवा १० खेळाडू असतात, तसा हा खेळ सोपा अवघड दोन्ही आहे मात्र फिझाला हा खेळ खूप आवडतो त्यामुळे ती जिद्दीने चिकाटीने या खेळात उतरते जिंकते तिने आपल्या तालुक्याचं नाव देशाच्या नकाशात झळकवल आहे.

सर्वसामान्य कुटुंबात तिचा जन्म झाला, शालेय जीवनापासूनच तिला अनेक वेगवेगळ्या खेळांच्या आवड होती,, तिला खेळण्यासाठी कुटुंबातून देखील मोठे सहकार्य मिळत गेलं,मुलाच्या बरोबरीने फिझाचा देखील घरात सांभाळ झाला केला तिच्या प्रत्येक गोष्टीला घरातून पाठबळ आणि स्वातंत्र्य मिळत गेलं, त्यामुळे तीने प्रत्येक क्षेत्रामध्ये देशा बाहेर जाऊन नाव मिळवलं,

फिज़ाची जिल्हा स्तरीय स्पर्धेपासुन खेळण्याची सुरुवात झाली, फिज़ाने आज पर्यंत आपल्या राज्याच्या संघात अनेक राष्ट्रीय स्पर्धेंमध्ये प्रतिनिधित्व केल आहे,फिझाने तिरुपती येथे झालेल्या राष्ट्रीय सॉफ्टबॉल स्पर्धेत महाराष्ट्रासाठी तिने सुवर्णपदक पटकावले होते,2018 मध्ये फिलिपींस येथे झालेल्या एशियन गेम्स साठी भारतीय संघाचे प्रतिनिधित्व केले.

नुकत्याच सुरू झालेल्या भारतीय सिनियर महिला सॉफ्टबॉल संघात अकोल्याची कन्या कुमारी फिझा फत्तुभाई सय्यद हीची भारतीय संघात निवड झाली आहे,एशियन महिला युनिवर्सिटी सॉफ्टबॉल चॅम्पियन्सशीप स्पर्धेत भारतीय महिला संघात फिझा हिचा समावेश झाला आहे,ही स्पर्धा थायलंड पट्टाया येथे १४ ते १७ डिसेंबर २०२२ रोजी येथे होणाऱ आहे.तिने अंडर १९ टीममध्ये भारताचे प्रतिनिधित्व करत आहे.थायलंड स्पर्धेत जाण्याआधी भारतीय सॉफ्टबॉल असोसिएशन मार्फत दि. ७ ते ११ डिसेंबर पर्यंत ओरिसा येथे भारतीय महिला सॉफ्टबॉल टिम चा सराव कॅम्प बाराबती आंतरराष्ट्रीय स्टेडियम, कटक येथे झाला व तेथून कोलकता येथून थायलंडला आपल्या टीम सह रवाना झाली,तिच्या या यशात तिचे आई वडील व कोच यांचे मोठे योगदान आहे.